Հետաքրքրաշարժ խնդիրներ
- Աշակերտը յուրաքանչյուր օր մոռանում է իր իմացած անգլերեն նոր բառերի 10 տոկոսը, եթե չի կրկնում: Երկուշաբթի օրվա ընթացքում աշակերտը սովորել էր 100 բառ: Քանի՞ բառ էր հիշում նա չորեքշաբթի օրը, եթե այդ ընթացքում բառերը չէր կրկնել:
2. Ունենք 9 միանման մետաղադրամ: Հայտնի է, որ նրանցից մեկը կեղծ է և մյուսներից տարբերվում է կշռով, սակայն արտաքինով չի տարբերվում: Կարո՞ղ եք լծակավոր կշեռքով երեք անգամ կշռում կատարելով գտնել կեղծ մետաղադրամը:
3. 1,6 մ երկարություն, 0,8 մ լայնություն և 0,25 մ խորություն ունեցող ավազանը որքա՞ն ժամանակում կլցվի մի խողովակով, որը մեկ րոպեում բաց է թողնում երկու լիտր ջուր:
4. 10-ի 20 % -ն է մե՞ծ, թե՞ 20-ի 10 %-ը:
5. 65-ի 15 % -ն է մե՞ծ, թե՞ 75-ի 1/5 մասը:
6. Անանիա Շիրակացու խնդիրներից
Մի վաճառական անցավ երեք քաղաքներով: Առաջին քաղաքում նրանից մաքս վերցրեցին ունեցածի կեսը և երրորդ մասը, երկրորդ քաղաքում հաշվեցին ինչ որ ուներ, վերցրեցին մնացածի կեսը և երրորդ մասը, իսկ երրորդ քաղաքում դարձյալ հաշվեցին և վերցրեցին մնացածի կեսը և երրորդ մասը: Եվ երբ այդ մարդը տուն հասավ, նրա մոտ մնացել էր 11 դահեկան (դրամի միավոր է): Արդ`իմացիր, թե ընդհամենը քանի՞ դահեկան ուներ:
Խնդիրը լուծում ենք առանց x-ի. սովորում ենք տրամաբանել:
7. Ձկան պես
Դիտել այս տեսաֆիլմը, թարգմանել անգլերենից հայերեն, վերլուծել կայքում և անձնական բլոգներում:
Նախագիծը նախատեսված է բոլոր 7-րդ և 8-րդ դասարանցիների համար: Ամեն մարդ աշխատում է իր հնարավորության սահմաններում`ձգտելով ավելիին: